Rúta með 23 manns innanborðs valt á Mosfellheiði skammt vestan Grafningsvegar efri um klukkan hálf ellefu í morgun.
Sjúkraflutningamaður sem staðsettur er yfir dagtímann á Þingvöllum fór strax á vettvang og fljótlega lágu fyrir upplýsingar um að allir væru uppistandandi og ekki um alvarlegt slys að ræða.
Engu að síður var viðbragði haldið enda kalt á vettvangi og nauðsynlegt að koma fólki í skjól. Það var flutt í þjónustumiðstöðina á Þingvöllum en rekstraraðili rútunnar sendi annan bíl eftir þeim sem ekki voru fluttir með sjúkrabíl til skoðunar á HSU á Selfossi.
Ekki liggja fyrir upplýsingar um þjoðerni fólks eða ferðalag þeirra.