Rúta fór útaf í snarvitlausu veðri undir Eyjafjöllum

Frá vettvangi slyssins í síðustu viku. Ljósmynd/Landsbjörg

Klukkan 8:12 í morgun voru björgunarsveitir á Suðurlandi kallaðar út vegna rútu sem farið hafði útaf þjóðveginum við Hafurshól undir Eyjafjöllum.

Rútan endaði úti í á en ekkert amar að farþegunum 23 sem eru um borð.

Viðbragðsaðilar eru komnir á vettvang og þarf að selflytja farþegana með björgunarsveitarbílum úr rútunni, þeir verða fluttir í fjöldahjálparstöð sem Rauði krossinn hefur opnað í Heimalandi.

Snarvitlaust veður er á svæðinu og fer vindur upp í 40 m/s í vestu hviðum. Í gildi er gul viðvörun frá Veðurstofu Íslands. Skólabörn undan Austur-Eyjafjöllum fóru ekki í Hvolsskóla í dag þar sem skólaakstur var felldur niður.