Rottweiler beit konu

Kona í Hveragerði var bitin illa í handlegginn af rottweiler hundi sl. föstudag.

Konan var flutt á heilsugæslustöðina á Selfossi þar sem sauma þurfti nokkur spor í handlegginn á henni.

Konan átti erindi í hús í bænum, en til þess að komast inn, varð hún að ganga fram hjá hundinum sem þar var bundinn. Þá réðst hann á konuna.

Málið er í rannsókn lögreglu en hundurinn er í vörslu hundafangara. Venjan er sú að hundar sem bíta fólk séu aflífaðir.