Reynir Jónsson hefur verið ráðinn verkefnastjóri fræðslumála hjá byggðasamlaginu Odda í Rangárvallasýslu og hefur hann störf 1. september næstkomandi.
Reynir er Cand. Oecon. í viðskiptafræði með áherslu á reikningshald og fjármál og með MSc-gráðu í stjórnun og stefnumótun, þar sem sérsvið hans var stjórnun, stefnumótun og nýsköpun í opinberum rekstri. Reynir starfaði um árabil sem framkvæmdastjóri Strætó bs. en frá árinu 2016 hefur hann starfað hjá Umhverfis-, orku- og loftslagsráðuneytinu sem fjármálasérfræðingur og leiðtogi opinberrar stefnumótunar.
Reynir hefur því víðtæka reynslu sem nýtist vel í því fjölbreytta starfi sem fram undan er á vettvangi fræðslumála hjá Odda bs en verkefnastjóri fræðslumála mun gegna lykilhlutverki í stuðningi við stjórnendur skóla Odda bs., stefnumótun, rekstri og samhæfingu málaflokksins.