Hinn árlegi Delludagur var haldinn í dag í tengslum við bæjarhátíðina Sumar á Selfossi. Þar fá bílaáhugamenn mikið fyrir sinn snúð.
Fjöldi fólks mætti í Hrísmýrina á Selfossi til þess að fylgjast með flatrekssýningu og drulluspyrnu, auk þess sem jeppamenn reyndu sig á teygjurampi.
Tilþrifin voru oft á tíðum svakaleg og glöddu gesti en Delludagurinn er ómissandi á dagatali bíladellukarla og -kvenna.