Lögreglan á Suðurlandi stöðvaði vörubílstjóra á Suðurlandsvegi í síðustu viku og reyndist hann vera með útrunnin ökuréttindi.
Í dagbók lögreglunnar kemur fram að bíllinn hafi verið kyrrsettur og bílstjóranum gert að útvega annan bílstjóra með gild réttindi.
Annar vörubílstjóri var stöðvaður á sama stað og reyndist hann vera án ökumannskorts og fær kæru fyrir það. Þá sætir rekstraraðili bílsins einnig kæru vegna brotsins.