Rennslið eykst í Ölfusá

Rennsli Ölfusár við Selfoss er enn að aukast og nær hámarki síðdegis eða í kvöld, samkvæmt upplýsingum frá Veðurstofunni.

Vatnsborð er farið að lækka við Iðu og hefur líklega náð hámarki við Gíslastaði undir Hestfjalli snemma í morgun.

Fram kemur á vef Veðurstofunnar, að vatnavextirnir í Hvítá, Ölfusá og Þjórsá um helgina séu þeir mestu frá því í desember 2007.