Árshlutayfirlit Bláskógabyggðar fyrir fyrstu sex mánuði ársins 2026 var lagt fram og kynnt á fundi sveitarstjórnar í síðustu viku. Uppgjörið sýnir að rekstur sveitarfélagsins er í góðu jafnvægi og er heildarniðurstaða A- og B-hluta nokkuð betri en forsendur fjárhagsáætlunar gerðu ráð fyrir.
Rekstrarniðurstaða A- og B-hluta var jákvæð um 105,8 milljónir króna á tímabilinu, en fjárhagsáætlun gerði ráð fyrir 92,3 milljón króna rekstrarafgangi. Rekstur samstæðunnar er því um 13,5 milljónir umfram áætlun.
Fjárfest var í varanlegum rekstrarfjármunum fyrir 327,9 milljónir króna. Helstu fjárfestingar eru vegna endurbyggingar sundlaugar í Reykholti, framkvæmda hjá Bláskógaveitu, kaupa á Laugarásjörðinni og vegna gatnagerðar.
Á fundi sveitarstjórnar kom fram að heildarrekstur samstæðu Bláskógabyggðar sé í góðu jafnvægi eftir fyrstu sex mánuði ársins 2026 og að sjóðstreymi sveitarfélagsins var mjög sterkt á tímabilinu.