D-listi Sjálfstæðisflokksins og annarra lýðræðissinna vann góðan sigur í Rangárþingi eystra, bætti við sig manni og fær hreinan meirihluta í sveitarstjórn. Þetta er í fyrsta sinn sem D-listinn fær hreinan meirihluta í sveitarfélaginu.
D-listinn hlaut 623 atkvæði, 55% og fjóra menn kjörna, B-listi Framsóknar og annarra framfarasinna hlaut 320 atkvæði, 28,3% og tvo menn, missir einn og N-listinn hlaut 189 atkvæði, 16,7% og heldur einum manni.
Auðir seðlar voru 9 og ógildir 4, samtals 13 auðir og ógildir eða 1,1%.
Alls voru 1.547 á kjörskrá og greiddu 1.145 atkvæði, kjörsókn var 74,0%.
Sveitarstjórnin verður þannig skipuð:
(D) Anton Kári Halldórsson
(B) Rafn Bergsson
(D) Aðalbjörg Rún Ásgeirsdóttir
(D) Andri Már Óskarsson
(N) Tómas Birgir Magnússon
(B) Bjarki Oddsson
(D) Hulda Dóra Eysteinsdóttir