Rán Jósepsdóttir hefur verið ráðin hjúkrunarstjóri á heilsugæslu Heilbrigðisstofnunar Suðurlands í Laugarási og mun hefja störf þann 1. mars.
Rán hefur áður starfað tímabundið á heilsugæslunni á Selfossi en undanfarin tíu ár hefur hún starfað sem deildarstjóri á Hjúkrunarheimilinu Lundi á Hellu.
Rán lauk BS námi í hjúkrunarfræði frá Háskóla Íslands árið 2003, einnig hlaut hún kennsluréttindi þaðan árið 2010. Rán hefur stundað kennslu við sjúkraliðabraut FSu og hún er einnig meðlimur í Flugbjörgunarsveitinni á Hellu og hefur sótt fjölmörg námskeið tengd því starfi.
Hún tekur við starfinu í Laugarási af Önnu Ipsen, fráfarandi hjúkrunarstjóra, en hún lætur af störfum sökum aldurs eftir 14 ára starf. Áður hafði Anna starfað sem hjúkrunarfræðingur á heilsugæslustöðinni í yfir 20 ár.