Stjórn Markaðsstofu Suðurlands hefur ákveðið að ráða Ragnhildi Sveinbjarnardóttur sem nýjan framkvæmdastjóra og tekur ráðningin gildi nú í nóvember.
Ragnhildur hefur starfað hjá Markaðsstofu Suðurlands sem verkefnastjóri í 10 ár og er því öllum hnútum kunnug þegar kemur að starfseminni.
Hún tekur við starfinu af Dagnýju Huldu Jóhannsdóttur, sem sagði upp starfi framkvæmdastjóra á dögunum eftir að hafa sinnt því í átta ár.