Í kvöld kl. 20 mun foreldraráð Fjölbrautaskóla Suðurlands standa fyrir fyrirlestri og fræðslu um netnotkun ungmenna í sal skólans.
Guðberg Jónsson frá SAFT mun leiða gesti fundarins um völundarhús netsins. Guðberg mun koma inn á þá þætti sem foreldrar hafa svo oft áhyggjur af þegar kemur að tölvunotkun ungmenna.
í tilkynningu frá foreldraráðinu segir að það vilji efla foreldrasamfélag fjölbrautaskólans. Því betur sem foreldrar fylgjast með og taka þátt í skólastarfi ungmenna sinna því betri er árangur þeirra.
Að loknum fyrirlestrinum verður aðalfundur foreldraráðs. Dagskránni lýkur um kl. 22.
Kaffiveitingar verða í boði skólans. Aðgangur er ókeypis og er það von foreldraráðsins að sem flestir foreldrar sjái sér fært að mæta.