Framsókn og aðrir framfarasinnar í Rangárþingi eystra samþykktu einróma, á fundi sínum í gær, tillögu uppstillingarnefndar að framboðslista fyrir komandi sveitarstjórnarkosningar þann 16. maí.
Rafn Bergsson bóndi og sveitarstjórnarfulltrúi er oddviti listans en Rafn hefur setið í sveitarstjórn Rangárþings eystra undanfarin átta ár og býr yfir yfirgripsmikilli þekkingu á málefnum og rekstri sveitarfélagsins. Í 2. sæti er Bjarki Oddsson, rannsóknarlögreglumaður og sveitarstjórnarfulltrúi og 3. sætið skipar Gunnhildur Jónsdóttir, bóndi og sjúkraliði. Lilja Einarsdóttir, fyrrverandi sveitarstjóri og oddviti B-listans, skipar heiðurssætið.
„Listinn samanstendur af fjölbreyttum hópi fólks á ólíkum aldri, bæði úr þéttbýli og dreifbýli. Frambjóðendur hafa víðtæka reynslu úr atvinnulífi og félagsstarfi og taka
virkan þátt í samfélaginu. Sameiginlegt markmið þeirra er að stuðla að bættum lífsgæðum, efla þjónustu við íbúa og styrkja uppbyggingu byggðar í Rangárþingi eystra. Á listanum er bæði fólk með mikla reynslu af sveitarstjórnarmálum og nýir frambjóðendur sem koma með fjölbreyttan bakgrunn og nýja sýn,“ segir í tilkynningu frá framboðinu.
Listinn er þannig skipaður:
1. Rafn Bergsson, bóndi og sveitarstjórnarfulltrúi
2. Bjarki Oddsson, rannsóknarlögreglumaður og sveitarstjórnarfulltrúi
3. Gunnhildur Jónsdóttir, bóndi og sjúkraliði
4. Harpa Sif Þorsteinsdóttir, leikskólakennari
5. Jón Pétur Þorvaldsson, vörubílstjóri
6. Sigrún Bjarnadóttir, dýralæknir og bóndi
7. Ágúst Jensson, bóndi
8. Ída Rún Sveinsdóttir, hársnyrtisveinn og nemi
9. Ragnar Lárusson, bóndi
10. Ólöf Sara Garðarsdóttir, ferðamálafræðingur
11. Lea Birna Lárusdóttir, kennari
12. Stefán Bjarki Smárason, fótboltaþjálfari og leikskólastarfsmaður
13. Ásta Brynjólfsdóttir, sérkennari
14. Lilja Einarsdóttir, hjúkrunarforstjóri og sveitarstjórnarfulltrúi