Rafmagn fór af í Þorlákshöfn um klukkan hálf þrjú í dag þegar Selfosslína 3 og Þorlákshafnarlína 1 slógu út vegna eldingar.
Línurnar komust fljótlega í rekstur aftur en eftir skoðun í tengivirki Landsnets í Þorlákshöfn fannst bilun í kerfi Rarik og því verður rafmagnslaust til klukkan 18 í það minnsta. Viðgerð stendur yfir.
Gul viðvörun er í gildi vegna þrumuveðurs til klukkan 18 í dag og svo aftur á milli kl. 11:30 og 18:00 á morgun. Í tilkynningu frá Landsneti segir að hvöss él muni ganga yfir og þeim fylgir selta og áraun á opin tengivirki suðvestan- og vestanlands, m.a. á Brennimel í Hvalfjarðarsveit.