UPPFÆRT: Rafmagn var komið á aftur um kl. 23:00 og þá var sömuleiðis búið að opna veginn um Reynisfjall.
—
Rafmagnslaust er í Mýrdalshreppi, frá Jökulsá á Sólheimasandi og austur fyrir Vík. Verið er að leita að orsök rafmagnsleysisins og meðal annars er ruðningstæki er að ryðja upp á Reynisfjall.
Að sögn Birnu Viðarsdóttur á Norður-Hvoli fór rafmagnið af um fimmleitið en blindbylur er í Mýrdalnum og hefur snjóað síðan um hádegi.
Þeir sem hafa upplýsingar sem gætu hjálpað við bilanaleitina eru beðnir um að hafa samband við svæðisvakt RARIK Suðurlandi í síma 528 9890.
Ekkert ferðaveður er á svæðinu frá Hvolsvelli og austur yfir Mýrdalssand og er vegurinn um Reynisfjall lokaður. Vegfarendur eru beðnir að taka tillit til þessa.