Rafmagnslaust varð í hluta uppsveita Árnessýslu laust fyrir klukkan sjö í kvöld þegar Selfosslína 2 sló út.
Rafmagn er komið á alls staðar aftur en samkvæmt upplýsingum frá Landsneti er líklegasta ástæðan fyrir útleysingunni sú að fugl hafi flogið á línuna. Selfosslína 2 liggur á milli Selfoss og Hellu en ekkert straumleysi varð á þeim stöðum.
Hins vegar varð rafmagnslaust í uppsveitum Árnessýslu og varði rafmagnsleysið í tæpa klukkustund.