Prófkjör Sjálfstæðisflokksins í september

Kjördæmisráð Sjálfstæðisflokksins í Suðurkjördæmi hefur auglýst eftir tillögum að framboðum til prófkjörs fyrir alþingiskosningar haustið 2016.

Samkvæmt ákvörðun kjördæmisráðsins mun fara fram prófkjör um val frambjóðenda á framboðslista flokksins í Suðurkjördæmi.

Prófkjörið í Suðurkjördæmi mun fara fram laugardaginn 10. september og rennur framboðsfrestur út þann 10. ágúst næstkomandi kl. 24:00, að því er fram kemur í auglýsingu frá flokknum.

Skal framboð vera bundið við flokksbundinn einstakling enda liggi fyrir skriflegt samþykki hans um að hann gefi kost á sér til prófkjörs.