Probygg ehf á Flúðum átti lægsta tilboðið í breytingar sem fyrirhugaðar eru á Kerhólsskóla á Borg í Grímsnes- og Grafningshreppi.
Tilboð Probygg hljóðaði upp á 96,1 milljón króna og er 16,5% undir kostnaðaráætlun Grímsnes- og Grafningshrepps sem er 115,2 milljónir króna.
Tíu önnur tilboð bátust í verkið. E. Sigurðsson ehf bauð 99,1 milljón króna, Borg byggingarlausnir 106,9 milljónir, Tindhagur 108,4 milljónir, Verkeining 108,6 milljónir, K16 109,6 milljónir, All Verk 112,1 milljón, Alefli 113,7 milljónir, HR smíði 123,3 milljónir, Vörðufell 130,0 milljónir og Atlas verktakar 134,2 milljónir króna.
Verkið felur í sér breytingar á Kerhólsskóla þar sem efri hæð gamla stjórnsýsluhússins verður breytt í kennslustofur og önnur stoðrými fyrir skólastarf. Verklok eru áætluð þann 1. apríl næstkomandi.