Í tilefni af 100 ára fullveldisafmælis Póllands kom pólski sendiherrann, Gerard Pokruszynski, nýlega í Vallaskóla á Selfossi og færði skólanum bókagjöf og ýmis spil á pólsku.
Einnig tilkynnti hann í ávarpi sínu að Vallaskóli sé einn af eitthundrað skólum í heiminum sem fá slíka gjöf og pólsk yfirvöld hafa ákveðið að styrkja bókasöfn viðkomandi skóla með pólskum námsbókum og fleiru er nýtist í pólskukennslunni.
Í máli hans kom einnig fram að þessi kennsla sé til mikillar fyrirmyndar í Vallaskóla.
Á þessa athöfn mættu nemendur og foreldrar af pólskum uppruna, einnig nokkrir úr starfsmannahópi Vallaskóla og fræðslustjóri.
Von er á fleiri bókum frá sendiráðinu síðar í vetur.