Kraftur lagði leið sína austur fyrir fjall í síðustu viku og var svo sannarlega perlað af Krafti í góðu samstarfi með Krabbameinsfélagi Árnessýslu.
Það var heldur betur líf og fjör í Sunnulækjarskóla þar sem um það bil 140 manns mættu á svæðið og perluðu um 820 armbönd.
„Þetta var frábær skemmtun og ekki síður mikilvægt fyrir okkur í Krafti,“ sagði Þórunn Hilda Jónasdóttir, markaðs- og kynningarfulltrúi Krafts, í samtali við sunnlenska.is. Hún þakkaði sjálfboðaliðunum sérstaklega fyrir komuna og einnig Almari bakara, sem sá til þess að enginn fór svangur heim. „Hafi þau miklar þakkir fyrir það.“