Kraftur, félag ungs fólks sem greinst hefur með krabbamein og aðstandendur ætlar að perla þriðjudaginn 6. febrúar á Selfossi í samstarfi við Krabbameinsfélag Árnessýslu.
Perlað verður nýtt Lífið er núna armband sem verður til sölu í fjáröflunar- og vitundarvakningu Krafts sem stendur nú yfir.
Opið hús verður á Hótel Selfossi milli kl. 16:00 og 19:00 og geta allir komið og lagt hönd á perlu í lengri eða skemmri tíma. Þetta er tilvalið tækifæri til að eiga notalega stund með fjölskyldu og vinum, og um leið leggja góðu málefni lið.
