Eins og undanfarin ár mun Kvenfélag Selfoss í samvinnu við Bókasafn Árborgar á Selfossi taka á móti jólagjöfum sem úthlutað verður til barna styrkþega Sjóðsins góða. Sjóðurinn góði úthlutar jólagjöfum til hjálpar þeim sem eiga í fjárhagserfiðleikum.
Vegna umhverfissjónarmiða eru endurunnir heimasaumaðir jólapokar fyrir jólagjafirnar fyrir þá sem þess óska, og munu þeir liggja frammi í bókasafninu, gegn vægu gjaldi, kr. 300 sem einnig renna í Sjóðinn góða.
Merkispjöld verða á staðnum og merkja þarf gjafirnar með kyni og aldri eftir því sem við á. Síðasti skiladagur jólagjafa á bókasafnið er 16. desember.