Óvissustigi lýst yfir vegna Grímsvatnahlaups

Við Gígjukvísl í dag. Ljósmynd/Lögreglan

Ríkislögreglustjóri, í samráði við lögreglustjórann á Suðurlandi, lýsti í dag yfir óvissustigi almannavarna vegna jökulhlaups frá Grímsvötnum.

Leiðni og rennsli hafa farið hækkandi í Gígjukvísl sem bendir til þess að vatn úr Grímsvötnum sé byrjað að renna undan jökuljaðrinum.

Mannvirki eru ekki talin í hættu en hlaupvatnið mun renna undir brúna yfir Gígjukvísl á þjóðvegi 1. Fólk er varað við því að fara að upptökum hlaupsins við jökuljaðar vegna hættu á gasmengun.

Fyrri greinSameiningarmál könnuð í Rangárþingi ytra
Næsta greinKK og Tómas Jónsson – engin hraðpróf