Eftir samráð almannavarna og vísindamanna hefur lögreglustjórinn á Suðurlandi ákveðið að aflétta lokun á veginum inn að Kötlujökli.
Í fréttatilkynningu Veðurstofu Íslands segir að virknin í Kötluöskju teljist nú til eðlilegrar bakgrunnsvirkni eldstöðvarinnar. Skjálftahrina hófst þar í gærmorgun með rúmlega 40 skjálftum og þar af voru þrír yfir 4 af stærð.
Óvissustig er enn í gildi og því full ástæða til að sýna varúð á svæðinu.