Eftir margra ára óskir íbúa um að fá bílaþvottaplan á Hellu liggur nú fyrir leigusamningur á milli Rangárþings ytra og landeiganda að Ægissíðu 4 um bílaþvottaplan.
Þvottaplaninu er ætlað að efla þjónustu við íbúa og gesti sveitarfélagsins, þannig að akandi vegfarendur geti sótt þjónustu við þrif á bifreiðum.
Rangárþing ytra mun sjá um rekstur þvottaplansins og ber ábyrgð á öllum kostnaði sem fylgir rekstri þess og mun þjónustumiðstöð sveitarfélagsins þjónusta þvottaplanið.
Verkefnið er tilraunaverkefni og er til eins árs, frá og með 1. maí næstkomandi.