Hreppsnefnd Hrunamannahrepps mótmælir harðlega niðurskurði á mótframlagi ríkisins til refaveiði.
Offjölgun refa er umhverfisvandamál á landsvísu sem er samfélagslegt mál en ekki eingöngu vandamál sveitarfélaga. Vandséð er að sveitarfélög hafi fjármagn til að sinna óbreyttum refaveiðum.
Sveitarstjórn Skeiða- og Gnúpverjahrepps telur sömuleiðs óeðlilegt að öllum kostnaði vegna refaveiða skuli velt yfir á sveitarfélögin og bendir á að kostnaðarhlutur fámennra sveitarfélaga á landsbyggðinni geti orðið umtalsverður.