Opinn fundur um málefni Ölfusárbrúar

Verslunarmannafélag Suðurlands boðar til opins fundar í kvöld, fimmtudag, kl. 20:00.

Fundurinn verður haldinn í sal félagsins við Austurveg 56 á Selfossi þar sem umræðuefnið verður um staðsetningu nýrrar Ölfusárbrúar á Selfossi.

Frummælendur verða Guðmundur Valur Guðmundsson, verkefnisstjóri Vegagerðarinnar vegna nýju brúarinnar og Svanur Bjarnason, umdæmisstjóri Vegagerðarinnar á Suðursvæði, Ásta Stefánsdóttir, framkvæmdastjóri Sveitarfélagsins Árborgar, Kjartan Björnsson, bæjarfulltrúi í Árborg, Guðmundur Lárusson, bóndi í Stekkum og Erla Gísladóttir, kaupmaður í Motivo á Selfossi.

Fundarstjóri verður Gils Einarsson, formaður Verslunarmannafélags Suðurlands.

Fundurinn er öllum opinn á meðan húsrúm leyfir. Ráðgert er að fundinum verði lokið kl. 22:00.