Íbúalistinn í Ölfusi stendur fyrir opnum fundi með Oddnýju G. Harðardóttur, þingkonu Samfylkingarinnar, laugardaginn 30. apríl kl. 15 í félagsheimili hestamanna í Þorlákshöfn.
„Á fundinum ætlum að horfa til ársins 2032 og sjá fyrir okkur framþróun á Suðurlandi. Hvar liggja tækifærin? Ykkur er öllum boðið að koma og taka þátt í samtalinu við þingmann okkar Sunnlendinga. Kaffi og kruðerí í boði og að sjálfsögðu eru frambjóðendur Íbúalistans á staðnum og meira en tilbúnir til að ræða stefnumál að fundi loknum. Þið eruð öll hjartanlega velkomin,“ segir í tilkynningu frá Íbúalistanum.
Viðburðurinn er liður í fundaröð Íbúalistans. Nú þegar hefur Íbúalistinn tekið á móti Þorgerði Katrínu þingkonu Viðreisnar og Sönnu Magdalenu, borgarfulltrúa Sósíalista í Reykjavík. Framundan er fundur með Daníel E. Arnarsyni, varaþingmanni Vinstri grænna og fyrrum Þorlákshafnarbúa.