Sunnudaginn 15. mars klukkan 12:00 verður haldinn opinn fundur um ESB og íslenskan landbúnað í Tryggvaskála á Selfossi.
Framsögur flytja Erna Bjarnadóttir, hagfræðingur, sem flytur erindið Viðræður við ESB í ljósi sögunnar, Þorsteinn Ólafsson, dýralæknir, sem flytur erindi um Frjálst flæði dýra og sjúkdóma og Þorsteinn Bergsson, rithöfundur, sem flytur erindið Þar er auðsýnt þurradramb – Hugleiðingar um hvernig þjóð smíðar eigin gæfu.
Að loknum framsögum verða almennar umræður og fyrirspurnir en gert er ráð fyrir að fundinum ljúki um kl 13:30.
Fundarstjóri verður Ögmundur Jónasson og eru allir velkomnir á fundinn.
Að loknum fundi, klukkan 14:00, hefst svo stofnfundur Suðurlandsdeildar samtakanna Til vinstri við ESB á sama stað. Fundarstjóri verður Þorsteinn Bergsson, formaður samtakanna.