Kiwanisklúbburinn Ölver í Þorlákshöfn færði bráðamóttöku Heilbrigðisstofnunar Suðurlands góðan styrk á dögunum í formi átta spjaldtölva.
Þessi styrkur mun nýtast vel fyrir skjólstæðinga bráðamóttökunnar og bráðalyflækningadeildar, þar sem sjúklingar geta þurft að liggja lengur en áætlað er.
Það var Kolbrún Gunnarsdóttir, deildarstjóri bráðamóttöku og bráðalyflækningadeildar sem tók á móti styrknum frá Birni Þór Gunnarssyni, varaforseta Kiwanisklúbbsins Ölvers.