Vegagerðin hefur hafnað öllum tilboðum í rekstur Herjólfs og óskað eftir því að Eimskip reki skipið áfram í mánuð til viðbótar.
Tilboðsgjöfum er veittur frestur til 13. apríl til að skila inn nýjum tilboðum.
Eimskip, Sæferðir og Samskip buðu í rekstur Herjólfs frá 1. maí næstkomandi. Tilboð Samskipa var lægst, rúmlega 600 milljónir króna, sem er 72,4% af kostnaðaráætlun Vegagerðarinnar.
Næstlægsta tilboðið var frá Eimskip, það var rúmum þremur prósentum hærra en áætlaður kostnaður.