Öll boð hærri en áætlun

Sex buðu í viðhaldsdýpkun í hafnarmynni og innsiglingaleið Landeyjahafnar og var lægsta tilboðið rúmum 80 milljónum króna yfir kostnaðaráætlun.

Tilboð voru opnuð hjá Siglingamálastofnun í dag. Kostnaðaráætlun hönnuða hljóðaði upp á 245,5 milljónir króna. Íslenska gámafélagið átti lægsta tilboðið, 325.800.000 krónur.

Eftirtalin tilboð bárust:

1. Jan de Nul n.v. Belgíu 7.679.200 evrur. Frávikstilboð 3.909.200 evrur
2. Boskalis Sweden AB, Svíþjóð 5.946.945 evrur. Frávikstilboð 4.857.900 evrur, frávikstilboð 2 4.318.900 evrur.
3. Íslenska gámafélagið ehf. 325.800.000 krónur
4. Baltic dreadging Aps, Danmörku 2.485.200 evrur.
5. Björgun ehf. 774.800.000 krónur. Frávikstilboð 332.180.000 krónur.
6. Rohde Nielsen A/S Danmörku 7.089.900 evrur. Frávikstilboð engin fjárhæð tilgreind.

Gerð var athugsemd við að tilboð án tilgreindrar upphæðar yrði tekið gilt, samkvæmt því sem fram kemur á vef Siglingamálastofnunar.