Í síðustu viku var undirritaður þjónustusamningur milli Sveitarfélagsins Ölfuss og Píeta samtakanna. Píeta samtökin bjóða upp á gagnreynda meðferð fyrir einstaklinga, 18 ára og eldri, sem glíma við sjálfsvígshugsanir og sjálfsskaða.
Píeta samtökin, sem eru 10 ára í ár, bjóða einnig upp á viðtöl og opna stuðningshópa fyrir aðstandendur þeirra sem glíma við sjálfsvígshugsanir og þeirra sem hafa misst ástvin í sjálfsvígi.
Markmið samningsins er að efla aðgengi íbúa að þjónustu Píeta samtakanna með því að tryggja hentuga aðstöðu í samræmi við þarfir starfseminnar. Ölfus er enn eitt sveitarfélagið sem gerir þjónustusamning við Píeta samtökin, en fyrir eru Píeta skjól á Ísafirði, Akureyri og Reyðafirði.
Píeta samtökin bjóða þau upp á faglega og góða þjónustu sem er öllum að kostnaðarlausu sem þangað sækja. Hjálparsími Píeta 1799 er opinn allan sólarhringinn.