Ólafur og Dorrit á Lundi

Tveir heimalningar eru nú á dvalarheimilinu Lundi á Hellu sem heimilismenn sjá um að gefa pelann sinn og hugsa um á daginn.

Lömbin koma frá Skarði í Landsveit, gimbur og hrútur sem hafa fengið nöfnin Ólafur og Dorrit til heiðurs forsetahjónunum. Á Lundi er líka kötturinn Hans, fiskar og tveir fuglar.

Þar er mikið lagt upp úr dýrahaldi og starfsfólk segir augljóst að heimilisfólk hafi gaman af, enda margir hverjir fyrrum bændur.