Ólafur Helgi sækir um starf ríkissaksóknara

Ólafur Helgi Kjartansson, sýslumaður á Selfossi, er einn sjö umsækjenda um embætti ríkissaksóknara.

Umsóknirnar verða nú sendar til meðferðar hjá hæfnisnefnd er skal vera innanríkisráðherra til fulltingis við undirbúning skipunar í embættið og skila honum rökstuddu og skriflegu mati á hæfni umsækjenda.

Miðað er við að skipað verði í embættið frá og með 1. apríl nk. en þá lætur Valtýr Sigurðsson af störfum.

Umsækjendur um embætti ríkissaksóknara í stafrófsröð:
Egill R. Stephensen, lögfræðingur við embætti tollstjóra.
Helgi Magnús Gunnarsson, aðstoðarsaksóknari Alþingis og saksóknari við efnahagsbrotadeild ríkislögreglustjóra.
Jón H.B. Snorrason, aðstoðarlögreglustjóri og saksóknari við embætti lögreglustjórans á höfuðborgarsvæðinu.
Kolbrún Sævarsdóttir, settur héraðsdómari við héraðsdóm Reykjavíkur.
Ólafur Helgi Kjartansson, sýslumaður á Selfossi.
Sigríður J. Friðjónsdóttir, saksóknari Alþingis og vararíkissaksóknari (í leyfi).
Sigríður Elsa Kjartansdóttir, settur vararíkissaksóknari og saksóknari hjá embætti ríkissaksóknara.