Hjálparsveit skáta í Hveragerði losar fastan bíl í Kömbunum í dag. Ljósmynd/Landsbjörg
Hellisheiði, Þrengsli og Sandskeið eru ennþá lokuð og verður staðan tekin næst kl. 21 í kvöld. Lyngdalsheiði verður ekki opnuð fyrr en á morgun.
Björgunarsveitir hafa verið á ferðinni í dag og þurft að sinna föstum bílum á Hellisheiði og í Þrengslum.
Fyrsta útkall dagsins kom af Þingvallavegi í morgun en þar sat á annan tug bíla fastur við Miðfell í Þingvallasveit. Búið er að losa bílana.
Appelsínugul viðvörun er í gildi á Suðurlandi til klukkan 20 í kvöld og þá tekur við gul viðvörun til miðnættis.
Bílar frá Hjálparsveit skáta Hveragerði, Björgunarfélagi Árborgar og Björgunarsveitinni Björg á Eyrarbakka við Þrengslavegamótin í dag. Ljósmynd/LandsbjörgHjálparsveitin Tintron aðstoðar ökumann í vanda. Ljósmynd/LandsbjörgBjörgunarsveitarfólk úr Tintron og Björgunarfélagi Biskupstungna á Þingvallavegi í morgun. Ljósmynd/TintronFylgdarakstur úr Þjóðgarðinum á Þingvöllum, þar sem fjöldi ökumanna var í vandræðum. Ljósmynd/TintronBjörgunarsveitir í fararbroddi í bílalest úr þjóðgarðinum á Þingvöllum. Ljósmynd/Tintron
