Mikil umferð var á Suðurlandi um helgina sem gekk vel og segir lögreglan að ökumenn hafi verið tillitsamir, glaðir og greinilega notið lífsins.
Víða voru hátíðir og mannfagnaðir, sérstaklega í Árnessýslu og var ekki annað að sjá en að allir skemmtu sér vel.
Lögregla segir að eftir mikinn hraðakstur á síðustu vikum hafi loksins slegið á ökuhraðann, en í síðustu viku voru 44 kærðir fyrir hraðakstur og tveir fyrir ölvunarakstur.
Fjögur minni háttar fíkniefnamál komu upp á Selfossi um helgina sem vörðuðu vörslu og neyslu.
Ökumaður festi bíl sinn í Reynisfjöru seint á laugardagskvöld. Hann viðurkenndi aksturinn sagðist hafa ekið niður í fjöruna til að taka ljósmyndir. Maðurinn var kærður fyrir utanvegaakstur.