Þjóðvegur 1 er lokaður undir Eyjafjöllum vegna fastra bíla. Tugir bíla eru á svæðinu og ekki vitað hvenær vegurinn verður opnaður aftur.
Þá er sömuleiðis lokað yfir Reynisfjall vegna umferðaróhapps og austan við Vík lentu tvær rútur útaf veginum án þess að slys yrðu á fólki.
Björgunarsveitir frá Vík, Eyjafjöllum, Hellu, Hvolsvelli og fleiri stöðum hafa verið kallaðar út til að aðstoða ökumenn í vanda undir Eyjafjöllum en þar er bíll við bíl og allt stop.
Gul viðvörun er í gildi á Suðausturlandi til hádegis á morgun og varaði Veðurstofan við erfiðum aðstæðum í Mýrdal og austan við Vík. Engin viðvörun var gefin út vegna aðstæðna undir Eyjafjöllum. UPPFÆRT: Gul viðvörun var gefin út í kvöld vegna hvassviðris og skafrennings undir Eyjafjöllum.