Kona á sjötugsaldri var flutt á bráðamóttöku Heilbrigðisstofnunar Suðurlands á Selfossi eftir árekstur bíls og rafmagnshlaupahjóls á gatnamótum Breiðumerkur og Sunnumerkur í Hveragerði um klukkan tíu í gærmorgun.
Konan var á ferð á hlaupahjólinu en lögreglan rannsakar tildrög slyssins.
Vísir greindi fyrst frá þessu og í fréttinni brýnir lögreglan fólk til þess að vera vel upplýst og nota endurskinsmerki en slysið varð í svarta myrkri.