Ökumaðurinn slapp með skrekkinn

Betur fór en á horfðist þegar olíubíll valt á þjóðveginum við Seljalandssel austan Hvolsvallar í gærdag.

Bílstjórinn missti stjórn á olíubílnum í hálku þegar ökumaður bifreiðar fyrir framan hann hægði skyndilega á sér. Bílstjórinn slapp með skrekkinn en hann var fluttur lemstraður á heilsugæsluna á Hvolsvelli.

Bifreiðin er mjög mikið skemmd en engin olía fór til spillis úr tankinum og það eina sem lak út var úr eldsneytiskerfi bílsins.