Erlendur ferðamaður ökklabrotnaði þegar hann var að stíga út úr rútu og hrasaði í Skálpanesi við Langjökul eftir hádegi á laugardag.
Maðurinn var fluttur í einkabifreið að Geysi þar sem sjúkrabifreið tók við honum og flutti á á slysadeild Landspítala.
Þá fótbrotnaði maður síðdegis á laugardag er hann féll af hestbaki við bæ á Nesjum við Hornafjörð. Hann var fluttur með sjúkraflugi frá Höfn á slysadeild Landspítala.