Bæjarmálafélagið Okkar Hveragerði kynnti framboðslista sinn til komandi bæjarstjórnarkosninga í morgun, á átta ára afmælisdegi félagsins. Um leið var ný heimasíða félagsins sett í loftið.
Eins og sunnlenska.is hefur greint frá leiðir Lárus Jónsson, körfuboltaþjálfari og íþróttafræðingur, listann, 2. sætið skipar Dagný Sif Sigurbjörnsdóttir, lögmaður og bæjarfulltrúi, í 3. sæti er Jónas Guðnason, jarðfræðingur og í 4. sæti er Sandra Lind Brynjarsdóttir, grunnskólakennari. Fráfarandi bæjarfulltrúar listans, þau Njörður Sigurðsson og Sandra Sigurðardóttir skipa heiðurssætin.
Á fundinum í morgun var einnig tilkynnt að Pétur G. Markan, núverandi bæjarstjóri Hveragerðisbæjar, er bæjarstjóraefni Okkar Hveragerði.
Listi Okkar Hveragerðis er þannig skipaður:
1. Lárus Jónsson, körfuboltaþjálfari, íþróttafræðingur og MA í alþjóðasamskiptum
2. Dagný Sif Sigurbjörnsdóttir, lögmaður, innanhússráðgjafi, tónlistarkona og bæjarfulltrúi
3. Jónas Guðnason, jarðfræðingur, eldfjallafræðingur og vatnamælingamaður
4. Sandra Lind Brynjarsdóttir, grunnskólakennari og deildarstjóri
5. Ívar Dagur Sævarsson, tónlistarmaður og nemi
6. Brynja Hrafnkelsdóttir, skordýrafræðingur og teymisstjóri
7. Eyþór Atli Olsen Finnsson, hlaðvarpsþáttastjórnandi og öryggisráðgjafi
8. Embla Werner Guðleifsdóttir, stuðningsfulltrúi í Grunnskólanum í Hveragerði
9. Guðjón Óskar Kristjánsson, deildarstjóri fasteigna, húskerfa og svæða virkjana ON
10. Halldóra Jóna Guðmundsdóttir, framreiðslusveinn
11. Hrafn Andrés Harðarson, bókavörður og skáld
12. Anna Jórunn Stefánsdóttir, talmeinafræðingur, sellóleikari og kennari
13. Njörður Sigurðsson, sagnfræðingur og bæjarfulltrúi
14. Sandra Sigurðardóttir, alþingismaður og forseti bæjarstjórnar