Ökumaður sem var á leið um Suðurlandsveg vestan við Hala í Suðursveit síðastliðinn föstudag varð fyrir því óhappi að aka á hreindýr.
Dýrið drapst og nokkurt tjón varð á ökutækinu en ekki slys á fólki, að því er fram kemur í dagbók lögreglunnar á Suðurlandi.
Sama dag lenti bifreið út af Þykkvabæjarvegi. Bíllinn dró hestakerru með þremur hestum í. Ekki urðu slys á fólki eða dýrum í þessu óhappi en eignatjónið varð nokkurt.