Um þrjúleytið í dag voru björgunarsveitir frá Vík, Hvolsvelli, Hellu og Landeyjum ásamt fjallabjörgunarmönnum af Höfuðborgarsvæðinu kallaðir út vegna slys á Sólheimajökli.
Fjallabjörgunarmenn fóru með þyrlu Landhelgisgæslu sem einnig var kölluð út.
Tildrög málsins voru þau að tilkynning barst um að maður hefði fallið í sprungu og væri með minnkandi meðvitund. Hann var í ferð hjá ferðakristofu sem býður jöklagöngur á þessu svæði.
Rúmri hálfri klukkustund síðar var tilkynnt um að maðurinn væri kominn upp úr sprungunni og á leið niður jökulinn.
Var því aðgerðin afturkölluð og björgunarmönnum snúist til síns heima en félagar úr Víkverja í Vík voru þá komnir á vettvang.