Oddný Harðardóttir, alþingismaður og þingsflokksformaður Samfylkingarinnar, hefur ákveðið að bjóða sig fram í 1. sæti í forvali flokksins fyrir Suðurkjördæmi sem fram fer 16. og 17. nóvember.
Oddný hefur tekið að sér mörg krefjandi ábyrgðarstörf á kjörtímabilinu. Hún varð fjármálaráðherra fyrst kvenna og var formaður menntamála- og fjárlaganefndar.
Oddný starfar með hag barna að leiðarljósi og leggur áherslu á ábyrga hagstjórn, atvinnumál, nýsköpun og fjölbreytt framboð náms. Hún tekst á við verkin af heiðarleika, yfirvegun og festu og vinnur að almannahag af dugnaði og hugsjón.
Oddný opnar kosningaskrifstofu í Reykjanesbæ að Hafnargötu 31, 2. hæð föstudaginn 2. nóvember kl. 17:00 og eru allir velkomnir. Létt dagskrá og léttar veitingar verða í boði.