Í mörg ár hefur fallegt tréskilti eftir Jón Gunnar Jónsson með bláum grunni og svörtum dröngum, boðið gesti Víkur velkomna. Í einu óveðrinu í vetur fauk það af stalli sínum og brotnaði þannig að ekki var hægt að gera við það.
Kamil og Kasia Zachariasz, ungir listamenn sem koma frá Póllandi og hafa búið í Mýrdalnum undanfarin þrjú ár, komu færandi hendi og gáfu sveitarfélaginu nýtt skilti.
Þau segjast hafa kolfallið fyrir Mýrdalnum og segjast hvergi annarstaðar vilja búa. Skiltið er unnið úr viði sem Kamil og Kasia hafa endurnýtt úr sínu nánasta umhverfi. Frá því að þau fluttu til Víkur hafa þau verið að þróa aðferð sem þau nota við framleiðsluna og eru að búa til m.a. samskonar lítil skilti sem þau hafa verið að selja hjá Holly í Skoolbeans undir merkinu K&K woodart.