Tímamót voru í vinnu við gerð aðalskipulags Hveragerðisbæjar síðastliðinn föstudag þegar Ólafur Árnason, framkvæmdastjóri skipulags hjá Húsnæðis- og mannvirkjastofnun og uppalinn Hvergerðingur mætti á bæjarskrifstofuna til þess að undirrita nýtt aðalskipulag ásamt Pétri Markan, bæjarstjóra.
Unnið hefur verið að gerð Aðalskipulags Hveragerðisbæjar 2025-2037 á kjörtímabilinu með þátttöku allra flokka í bæjarstjórn.
Aðalskipulagið er unnið á grunni landsskipulags og eldra aðalskipulags en með nýjum áherslum sem birtast m.a. í sérstökum rammahluta aðalskipulags fyrir miðbæinn og Breiðumörk sem og með gerð samgöngustefnu þar sem umferðaröryggi er sett á oddinn.