Nýr veiðivörður í Tungufljóti

Jónas Unnarsson tekur á morgun til starfa sem veiðivörður í Tungufljóti. Jónas er 37 ára gamall fluguveiðimaður og hefur veitt bæði lax og silung í sextán ár.

Fluguveiði er hans aðaláhugamál og hefur hann undanfarin ár lagt mikið á sig við að afla sér þekkingar og fræðslu sem kemur til að nýtast honum vel í starfi.

Jónas er alin upp í Reykholti Biskupstungum þar sem að Tungufljótið rennur í gegn og þekkir því staðarhætti vel. Eins er hann sveitungum vel kunnugur, en hann hefur undanfarin ár dvalist í Laugarási á sumrin við uppbyggingu á gróðurbýlinu Ljósalandi.