Síðastliðinn mánudag ók inní Hveragerði glæsileg bifreið af gerðinni Mercedes Bens Sprinter 315. Er bíllinn nýjasta viðbót Brunavarna Árnessýslu við bílaflota sinn í Hveragerði.
Bíllinn er mannflutningabíll sem flytja á liðið á vettvang en aðstaða fyrir mannskapinn er af skornum skammti í slökkvibílunum sjálfum.
Bíllinn tekur fimmtán manns í sæti og leysir af hólmi mannflutningabíl sem hér var og var nokkuð kominn til ára sinna.