Undanfarið hefur verið unnið að gróðursetningu í 20 hektara skóg í landi Stóra Kollabæjar í Fljótshlíð.
Er þessi skógur gróðursettur í minningu Teits Sveinssonar frá Grjótá í Fljótshlíð (1917-2010) en hann gaf Skógræktarfélagi Rangæinga fé fyrir nokkrum árum sem skyldi nýtast til að rækta upp skóg í Fljótshlíð.
Ákveðið var í haust að skógurinn yrði gróðursettur í landi Skógræktar ríkisins í Kollabæ og hefur verið unnið að undirbúningi, s.s. jarðvinnslu og vegagerð í vetur.
Í byrjun júlí var hafist handa við gróðursetningu og hafa verktakar unnið að verkefninu, m.a. íþróttahópar. Svæðið er hugsað sem útivistarsvæði í framtíðinni og verða stígar gerðir um svæðið sem tengjast inn á eldri stíga á Tumastöðum og Tunguskógi.
Frétt á skogur.is